Morelia, Michoacán, 5 de febrero de 2023.- Juramuticha Erechikueri imampu Secretaría de Educación del Estado (SEE), anchikuarhisïnti jimpoka uetarhejka axani 136 jorhemperichani preescolar anapuechani.
Sesikua jinkoni, imankuni Unidad Estatal para la Carrera de Maestras y Maestros (UESICAMM), axanastisï jorhempericha 40 iretecharhu iapurhu isï i Erechikueri.
Sano iamintuecharhu, ka sesi erankupani Nueva Escuela Mexicana (NEM), jorhemperichani nieranauatisï iretecharhu El Bejuco, Tepaltepec anapu; Ojo de Agua, Maravatío anapu; La Parotita ka San Rafael Tecatio, Tacámbaro anapu; La Soledad, Jungapeo anapu; El Moran, Ario de Rosales anapu, Condémbaro, Tancítaro anapu, Estamucha, Huetamo anapu; ka Pontezuelas Zitácuaro anapu, ka mataruecha.
Erankupani jorhenkuarhikuani, ka iamintu sapichani juramuti Jorhenkuarhikueri, Gabriela Molina Aguilar, arhiasti jorhemperichani enki inchamukukasï, enki uetarhejka, enki nierakasi jima enki axamenakasi ka sesikua jinkonsï anchikuarhiaka.
“Chari anchikuarhikuampu, jintesti enki ukuarhiaka mojtakukua eratsekueri jorhenkuarhikueri, ka enki majku anchikuarhiakasï, uantakasï sesi nitamakua jorhenkuarhikueri sapicharhu ka tumpicharhu”, uantasti juramuti.
Jimpoka sesikua jinkoni intsïnakasi anchikuarhikua, tankuarhintastistusï k’uiripuecha Contraloría, Sindicato, Enlace Educativo SEP anapuecha, ka juramuticha jorhenkuarhikueri, juramuti UESICAMM arhikateri, Hannes Ortega Anaya, ka ima juramuti jorhenkuarhikueri Básica, Carmen Escobedo Pérez.
