Pátzcuaro, Michoacán; 1 de febrero de 2023.- Jimpoka uejka sesi jantskantani ka jarhoatauani jorhemperakuechani, Secretaría de Educación del Estado (SEE) menki jauenasïnti intsïmperakuankuni uetarhenchantskuecheri, i jurhiatikuarhu, intsïmpenastisï ampe enki pianakasï 5 millones 500 mil pesos arhikatechankuni, enki uetarhempkasï 74 jorhemperakuecha iretecheri Pátzcuaro anapuecha.
Jorhemperakuarhu sapicheri “Benito Juárez”, San Juan Tumbio anapu, juramuti jorhenkuarhikueri, Gabriela Molina Aguilar, orhejtsïkusti tankuarhikua, enki jarhoataka 5 mil 300 jorhenkuarhirichani.
Uantasti enki jorhemperakuecha imanki jarhoatauakasï jarastisï 32 iretecharhu jimanki kanekua kome janteka, ka uantasti enki orheta anpuekasï, isï enki Cuanajo, Huecorio, San Miguel Charahuén, ka mataruecha.
Eratsepani enki jorhempeni ukuesti iamintuecheri ka uetarhesïnti isï ampe uni jimpoka k’uiripuecha menki jauenati jorhenkuarhini, juramuti jorhenkuarhikueri uantasti enki “ixu menki jauenasïnkasi jorhemperakuampu, ka uetarhesïnkasi iamintuecha jarhoajperani, jimpoka pauani pauani jorhempesïnkasi, ka isï menki jauenakasï”.
Uantasti enki juramukua Alfredo Ramírez Bedolla arhikateri, jintesti sesi nitamakua iretechankuni orheta anapuecha, ka jarhoajperakua enki tsa uetarheakasï.
Juramuti Pátzcuaro anapu, Julio Arreola Vázquez, uantasti enki k’uiripuecha enki nosï uejka jorhenkuarhini nosï jatsïkuarhijka, ampakiti anchikuarhikua ma, ka enki sontkusï tempuchajka o tatecha ukuarhijka ka itku enki no sesi irekuasï jatsijka.
Uantasti enki jorhenkuarhikuankuni menki jaunekasï kitatani kome jantekua, ka isï santaru sesi irekua jatsïaka iamintuecha, ka uantasti enki uetarhejka menki jauenani majku anchikuarhini sesi nitamakua jimpo iamintu sapicheri.