Morelia, Michoacán, 13 de febrero de 2023.- Jimpoka uekanajka axani jorhemperichani jima enki uetarhejkasï, uaxastanastisï claves docentes arhikatecha, jintestisïa 2 mil 252 anchikuarhikuecha enki intsïnakasia jorhenticha normalistas arhikatecha, enki tatsekupakasï juramukuechani.
Juramutinkuni, Alfredo Ramírez Bedolla, Gabriela Molina, uantasti enki jurhiatikuetki jueves jinteuaka enki uetenakasï intspeani sïrantechani imankuni axauakasï jorhemperichani.
Imampu, Unidad Estatal del Sistema para la Carrera de los Maestros y las Maestras (UESICAMM), uaxastanasti anchikua 132 jorhempericheri sapicheri, 68 jorhemperakuecharhu, enki 36 iretecharhu jaka, ka anchikuarhiatisï Código 09 arhikankuni.
Iretecharhu jimanki nieranauka jorhempericha jintestisï El Bejuco Tepalcatepec anapu, Ojo de Agua La Huacana anapu, La Parotita Tacámbaro anapu, Condémbaro Tancítaro anapu, Pontezuelas Zitácuaro anapu ka mataruecha.
Ka itku, i jurhiatikuecharhu intsïnanauatisï Código 99, imankuni 40 jorhempericha primaria anapuecha, niuaka jorhemperakuecharhu Nuevo San Juan Parangaricutiro, Tanhuato, Zinápecuaro, ka mataru iretecheri anapuecha.
