Ciudad de México, 16 de febrero de 2023.- Secretaria de Educación del Estado (SEE) eratsekua ma anchitati Secretaria de Educación Pública (SEP) ka Fondo de Cultura Económica arhikatechankuni, imankuni uinaperantaka arhintskua.
Juramuti jorhenkuarhikueri Gabriela Molina Aguilar, tankuarhintasti juramutinkuni Unidad de Promoción de Equidad y Excelencia Educativa SEP, anapueri Roberto Pulido Ochoa, imankuni uantontskuarhika enki majku anchikuarhiakasï arhintskuampu, ka itku imankuni Fondo de Cultura Económica (FCE) arhikatankuni.
Na enki nitamajka arhintskua k’uiripuechankuni ka jorhemperakuecharhu, Ka jarhoajperakua iamintuechankuni enki anchikuarhijkasï jorhemperakuecharhu jintesti ampe enki eratsenajka i anchikuarhikuankuni.
Sesi nitamantani menteru enki na nitamampkasi uenani enki notki japka p’amenchakua, ka menteru sesi nitamani jorhemperakuarhu jintesti ampe enki eratsenajka.
Ka isï unati, jimpoka, mantani uexurhikua arhinantanasïntisi 3.9 takukukatecha, i Erechikua jintesti ma jimanki no kani arhinantajka, ka jimposï uetarhejti anchikuechani ixu isï uantani.
Ka i anchikuarhikuankuni menki jauenanati eratsekuankuni Nueva Escuela Mexicana (NEM), imankuni uekanajka enki jorhenkuarhiricha sesi nitamaka imeri p’intekuechani ka k’uinchikuechani arhintskuampu.
