Morelia, Michoacán, 13 de julio de 2023.- Mintsikuarhikuecharhu, Secretaría de Educación del Estado (SEE) anchikuechani ma uati Janhaskakuarhu Francisco J. Múgica, tempeni iumu jorhenkuarhikuecha jauati ka pauani uaxastanati atakatecha “Evocaciones de lo interno”, óleo atakatampu.
Juramuti Jorhenkuarhikueri Gabriela Molina Aguilar, p’imarhiasti jorhenkuarhirichani, jorhemperichani ka tatempechani sapicheri eski p’orhempeakasi janhaskakuarhuechani ka enki p’ikuarherakasi isï eski imeri k’umanchikuarhu jarhani; ka jimposï uantasti enki uetarhejka sesi jajkuntani ka tachani anchikuechani ka eratsekuechani jima uani.
Dirección de Educación Artística y Desarrollo Cultural, Departamento de Bibliotecas y Fomento a La Lectura isïmpu, jintesti imanki anchitauajka tachani eratsekuechani janhaskakuarhuecharhu ka isï uni eski iamintuecha nitamaka.
Jimposï atakatechani tachani k’uiripuecheri i Erechikueri uaxastanatisï, ka iasï isï unatisï, 15 atakatechankuni Ariadna Catalina Pineda Servín arhikateri; ka jauatisï 14 i kustiri al 18 mataru kutsiri, 9:00 a 20:00 atakuecharhu lunes a viernes, ka sábado 10:00 a 14:00 atakuecharhu, ka no ampe meiampenati.
Atantsti Pineda Servín jorhentisti artes visuales arhikateri Facultad Popular de Bellas Artes arhikatampu, Universidad Michoacana de San Nicolás de Hidalgo (UMSNH) anapueri, tempeni uaxastakuechani atakatecheri uastia jantiojku, ka 35 mataruechankuni. Tachani sïrantechani reconocimientos intsïnastia eratsekuechampu arte háptico, sinestesia, ka mataru anchikuechampu.
