- Jorhemperakuecharhu preescolar, primaria ka secundaria jurhiatikuecharhu 1 al 15 mataru kustsiri
Morelia, Michoacán, 19 de enero de 2024.- Isï enki na jukanarhika calendario oficial de la Federación 1 al 15 febrero isïmpu uetenakuarhiati inchamukuntskua jorhemperakuecharhu preescolar, primaria ka secundaria, jimposï Secretaría de Educación del Estado (SEE) p’imarhiasïnti tatempechani exeani ka jatsïani sïrantechani enki uetarheajkasï.
Sïrantecha jorhenkuarhiricheri enki uetarhejkasï jintestisï CURP ka acta de nacimiento; enki preescolar uejka inchamutauani uetarhesïntistu cartilla de vacunación; ka enkisï primaria ka secundaria uejkasï inchamutauani uetarheati constancia o certificado jimanki k’amarutaka.
Juramuticha SEE anapuecha p’imarhitpesïntisi nosï churikua jarhansï jorhemperakuecheri, jimpoka iamintu antarheatisï inchamukuni; ka itku enki jirinakasï jorhemperakuani enki no iauani imeri chenempo jauaka.
Ka k’amarhutani, juramuti Jorhenkuarhikueri, Gabriela Molina Aguilar, uantasti “uetarhesïnti isï uni ka eski menki jauenakasï jorhenkuarhini sapicha ka uetarhesïnti eski tatempecha nitamakastu ka uni sesi nitamakua uaxastani”, ka p’imarhiasti sontku uni ka juramukukuani tatsekupani.