Morelia, Michoacán, 23 de enero de 2024.- Erechikuarhu jimpani nitamakua jorhenkuarhikueri uaxastanati, jimpoka intsïnakasï uaxastakuechani, no ampe kuarhutperakuankuni ka sesikua jinkoni, uantasti juramuti Gabriela Molina Aguilar, enki juramutichankuni Alfredo Ramírez Bedolla ka jorhenkuarhikueri Kotsikueri anapu, Leticia Ramírez Amaya, ma uenani sesi uaxastauaka 8 mil anchikuarhirichani.
Juramuti Jorhenkuarhikueri Erechikueri sesi erankusti anchikua jorhempericheri; uantasti eski sano terojkani anchikuarhiricheri jorhenkuarhikueri enki sesi uaxastanakasia tempeni uexurhikua isku anchikuarhixapti, ka mataruecharhu santaru uanekua.
Jimanki 2 mil anchikuarhiricha nitamanapka Teatro Morelos arhikatarhu, Gabriela Molina uantasti eski juramutichankuni Kotsikueri sesi nitamakua anchitanakasï jorhenkuarhikuarhu, intspekuankuni Formatos Únicos de Personal (FUP) anchikuarhirichani sesi eratsetichani jorhenkuarhikuampu.
Jorhemperichani Secretaría de Educación del Estado (SEE) sesi erankuasti eski tsa enki mojtakuakasï nitamakua kotsikueri ka Erechikueri. Uantasti eski iasï uaxastanajkasï 5 mil anchikuarhiricha ka marzo isïmpu uaxastanatisi mataru 3 mil.“Jorhempericha ixu anapuecha: chari anchikua uetarhesïnti ko, jorhenkuarhikua chansïni uetarhesïnti, tachani marhoakuechankuni, ka eski jorhemperakuecharhu jauakasï. No usïnti jorhenkuarhikua jarani enki no cheuaka.