*Janhaskakuarhu “Francisco J. Múgica” xarharasïnti na enki mojtakukuarhika p’antojkukua uexurhikuechampu.
Morelia, Michoacán, 3 de marzo de 2023.- Secretaria de Educación del Estado jorhempesïnti tachani ampe i kotsikua anapueri, jimposï p’imarhiajti jorhenkuarhirichani, tatempechani, jorhemperichani ka iamintu k’uiripuechani exerkuarhikuarhu “Historia de las Banderas y Símbolos Patrios”, enki jaka “Pasillo del Maestro” janhaskakuarhu “Francisco J. Múgica” anapu.
Juramuti jorhenkuarhikueri, Gabriela Molina Aguilar, eratsesïnti enki uetarhejka minarhikuni tachani ampe sesikua nitamakueri i kotsikua anapueri, jimpoka isï ampakiti k’uiriperakua jauaka, ka menki jauenasïntisi sesi eratseni.
Exerperakuarhu jarhastistu nitamakua i kotsikueri ka imeri tachani ukatecheri ixu anapuecha, ka itku xarharasïnti na enki menki jauenaka mojtakunsi p’antojkukua, enki uetenajka imankuni enki urapka Miguel Hidalgo y Costilla ka na enki nieraka imarhu enki iasï minarhikukasi.
No ampe meiampenasïnti ka nenterku usïnti inchani, k’unkuarhikuechampu ka jantiojkuechampu, ka enki takukukata nirajki ma exeni ima janhaskakuarhu Central arhikata o enki arhinajkastu Janhaskakuarhu Planetario anapu.